Khayal
“beyond our eyes, a thousand lives dance even in the dewdrops”
Ab baitha hoon akela main,bas yeh bhor nadi ki thandi hawa aur mere khayal mere saath.Dhimi madhur awaaz jo meri kano mein aa rahi hai,mano chidiyon ki ek apani hi raag gunj rahi,in dhimi sarsarati hawaon se taal milati hui.
Yeh geeli mitti ki sugandh,mano naye jeevan ki khushi se khili hui gunj yaad dilati ho.Yeh hari naram ghaas,aur unpe pari paani ke yeh boonde ek alag hi duniya dikhati.
Hamare aankhon ke pare,un boondon mein bhi hazaron jeebon ki nritya chal rahi hai.Jaise nadi mein tairti machhliyon ki toli,yeh aakash mein urte panchiyon ki doli.Sab ek saath mano ek swarg sa jahan banati ho.
Ab baitha hoon main akela,yeh bhor nadi ki thandi hawa aur mere khayalon ke sang.
A quiet dawn by the river, even inside the dewdrops on the grass a thousand small lives are dancing. A meditation on stillness and hidden worlds.